AZƏRBAYCAN KONSTİTUSİYA MƏHKƏMƏSİNİN PALATASININ NÖVBƏTİ İCLASI OLMUŞDUR
AZƏRTAC xəbər verir ki, aprelin 17-də Azərbaycan Respublikası Konstitusiya Məhkəməsi Palatasının növbəti iclası keçirilmişdir.
Konstitusiya Məhkəməsinin mətbuat xidmətindən bildirmişlər ki, Palata Azərbaycan Respublikası Konstitusiyasının 130-cu maddəsinin VI hissəsinə və “Konstitusiya Məhkəməsi haqqında” Azərbaycan Respublikası Qanununun 7.1-ci maddəsinə əsasən Sumqayıt Apellyasiya Məhkəməsinin, Azərbaycan Respublikası Cinayət Prosessual Məcəlləsinin 391.8.11-ci maddəsi və Azərbaycan Respublikası Cinayət Məcəlləsinin 83.2-ci maddəsi ilə bağlı Gəncə Şəhəri Kəpəz Rayon Məhkəməsinin müraciətinə baxaraq, Konstitusiya Məhkəməsinin icraatına qəbul edilməsi haqqında qərardad çıxarmışdır.
Konstitusiya Məhkəməsi Plenumunun mayın 20-nə təyin edilmiş iclasında Sumqayıt Apellyasiya Məhkəməsinin, mayın 22-də isə Gəncə Şəhəri Kəpəz Rayon Məhkəməsinin müraciətinə baxılacaqdır.
Bölmənin digər xəbərləri
