AZƏRBAYCAN MİLLİ VALİDEYN-MÜƏLLİM ASSOSİASİYASININ TƏSİS KONFRANSI KEÇİRİLMİŞDİR

25.10.2004 [17:04]
Çap et
A⁺ A^-

AZƏRTAC xəbər verir ki, oktyabrın 23-də Hyatt Regency-Naxçıvan mehmanxanasında “Ümidli gələcək” gənclər təşkilatı, YUNİSEF və Təhsil Nazirliyinin təşkilatçılığı ilə Azərbaycan Milli Valideyn-Müəllim Assosiasiyasının (VMA) təsis konfransı keçirilmişdir.

Konfransda çıxış edən təhsil naziri Misir Mərdanov VMA-nın qarşısında mühüm vəzifələr dayandığını diqqətə çatdıraraq, yeni qurumun təhsilin inkişafına yaxından kömək göstərəcəyinə inandığını bildirmiş, tövsiyələr vermişdir.

YUNİSEF-in Azərbaycandakı nümayəndəliyinin rəhbəri xanım Hana Singer təhsilin inkişafında valideyn və müəllimlərin birgə fəaliyyətlərinin əhəmiyyətini vurğulamışdır.

Sonda VMA-nın nizamnaməsi qəbul olunmuş, idarə heyətinin üzvləri seçilmişdir.