AZƏRBAYCAN MİLLİSİ KAYAK VƏ KANOE ÜZRƏ AVROPA ÇEMPİONATINDA 9-CU YERİ TUTMUŞDUR
Bakı, 30 iyun (AZƏRTAC). Almaniyanın Brandenburq şəhərində başa çatan kayak və kanoe üzrə Avropa çempionatında Azərbaycanın milli komandası 3 kanoeçi və 1 kayakçı ilə çıxış etmişdir. 27 dəst medalın çoxu təşkilatçı ölkənin və Macarıstanın avarçəkənlərinə qismət olmuşdur. Almaniyanın kayak və kanoeçiləri ümumilikdə 20 medal (6 qızıl, 9 gümüş, 5 bürünc) qazanmışlar. İkinci yeri 17 medalla (6 qızıl, 9 gümüş, 2 bürünc) Macarıstan millisi, üçüncü yeri isə 6 medalla (4 qızıl, 1 gümüş, 1 bürünc) Belarus komandası tutmuşdur. Bir qızıl və bir bürünc medal qazanan Azərbaycan millisi Ukrayna ilə 9-10-cu yerləri bölüşmüşdür.
Azərbaycan keçmiş SSRİ məkanında Belarus, Rusiya və Litvadan sonra 4-cü olmuşdur.
Bölmənin digər xəbərləri
