Azərbaycan millisinin heyətində dəyişiklik edilib
Bakı, 27 may, AZƏRTAC
Moldovada beynəlxalq yoldaşlıq turnirində iştirak edəcək 19 yaşadək futbolçulardan ibarət Azərbaycan milli komandasının heyətində dəyişiklik edilib.
AZƏRTAC AFFA-nın rəsmi saytına istinadən xəbər verir ki, “Zirə” klubunun oyunçusu Rəvan Qaraəhmədli zədələndiyi üçün kollektivə qoşulmayıb. Onun yerinə komanda yoldaşı Yusif Hacıyev milliyə dəvət olunub.
Qeyd edək ki, U-19 bu gündən iyunun 2-dək Bakıda təlim-məşq toplanışı keçəcək. Komanda daha sonra isə Moldovaya yollanacaq. Yığma orada Qazaxıstan, Türkiyə və meydan sahibləri ilə qarşılaşacaq.
Bölmənin digər xəbərləri
