Azərbaycan minifutbol millisinin üzvü: Bəhreynlə keçirdiyimiz matç çox ağır oldu
Bakı, 21 may, AZƏRTAC
Bəhreynlə çox ağır oyun keçirdik.
AZƏRTAC xəbər verir ki, bu sözləri Azərbaycan minifutbol millisinin üzvü Mirmehdi Rzayev Bakıda təşkil olunan dünya çempionatında keçirdikləri ilk matçla bağlı danışarkən deyib.
Yığmanın yeganə qolunun müəllifi olan oyunçu Bəhreyn seçməsi ilə 1:1 hesablı heç-heçə etdikləri görüşü dəyərləndirib: "Rəqib komandanın bəxti gətirdi. Hücum oyunu oynayırdıq. Adi bir səhvdən qol buraxdıq. Təəssüf ki, bu gün belə alındı. Azarkeşlərin önündə oynamaq çətin oldu. Amma inanıram ki, növbəti qarşılaşmalarda qələbə qazanacağıq. Komandamıza inanıram".
Qeyd edək ki, Elşad Quliyevin baş məşqçisi olduğu Azərbaycan seçməsi növbəti matçını mayın 23-də Slovakiyaya qarşı keçirəcək.
Bölmənin digər xəbərləri
