Azərbaycan Mülki Aviasiya Muzeyində Xocalı soyqırımının 20-ci ildönümü qeyd olunmuşdur
Bakı, 24 fevral (AZƏRTAC). Fevralın 24-də Milli Aviasiya Akademiyasının (MAA) nəzdində fəaliyyət göstərən Azərbaycan Mülki Aviasiya Muzeyində Xocalı soyqırımının 20-ci ildönümü münasibətilə anma mərasimi keçirilmişdir.
Muzeydən AZƏRTAC-a bildirmişlər ki, mərasimdə MAA-nın tələbələri və Xəzər rayonunun Şağan qəsəbəsinin 124 nömrəli orta məktəbinin şagirdləri iştirak etmişdir.
Tədbirdə Xocalı soyqırımı qurbanlarının xatirəsi bir dəqiqəlik sükutla yad edilmiş, faciəni əks etdirən fotosərgi nümayiş olunmuşdur.
Mərasimdə “Xocalı soyqırımından 20 il ötür” mövzusunda mühazirə oxunmuş, məktəblilərin ifasında Xocalı faciəsinə həsr olunmuş kompozisiya təqdim edilmişdir.
Bölmənin digər xəbərləri
