Azərbaycan Respublikasının Prezidenti Heydər Əliyev iyulun 28-də Prezident sarayında Fransanın Bakıdakı səfiri Jan Pyer Ginyutu onun ölkəmizdəki diplomatik fəaliyyətinin başa çatması ilə əlaqədar qəbul etmişdir.

Dövlətimizin başçısı  Heyd ə r Əliy e v   səfiri salamlayaraq dedi:

Mən artıq iyulun 14-də, Bastiliya günü münasibətilə söylədiyim nitqdə sizin buradan yaxın vaxtlarda getməyiniz haqqında bilgi verdim.  Amma indi getməyinizə bir neçə gün qalıb, ona görə də hesab etdim ki, görüşmək, danışmaq lazımdır.

M ə n  s ə m i m i  d e m ə k  i s t ə y i r ə m ki, Sizin buradan getməyinizə təəssüf edirəm Çünki Siz burada işlədiyiniz zaman Azərbaycan ilə Fransa arasındakı əlaqələr yaxşı inkişaf etmişdir.Bizim yaxşı görüşlərimiz olmuşdur. Mənim Fransaya səfərim, sonra Prezident Şirakla işgüzar görüşlər ...  Əlbəttə ki, bunların hamısında Sizin xidmətləriniz var.

Bilirsiniz ki, mənimlə Prezident Şirak arasında səmimi dostluq əlaqələri yaranıbdır. Mən şəxsən bunu çox yüksək qiymətləndirirəm. Eyni zamanda Fransa ilə bütün sahələrdə olan əlaqələrimizi - yəni siyasi, iqtisadi, humanitar, elmi-mədəni sahələrdə olan əlaqələrimizin hamısını biz çox əhəmiyyətli hesab edirik.  Mən bu əlaqələrin  gələcəkdə də sürətlə inkişaf etdirilməsinin  tərəfdarıyam. Azərbaycanın Avropa Şurasına daxil olması ilə əlaqədar Fransanın, şəxsən səfir kimi Sizin və Fransa hökumətinin ölkəmizə göstərdiyi qayğıya və diqqətə görə də çox təşəkkür edirəm.

Mən bilirəm ki, Siz səfir olaraq bu prosesdə bizim kimi iştirak etmisiniz. Həmişə öz ölkənizə Azərbaycan haqqında verdiyiniz məlumatlarda respublikamızın Avropa Şurasına qəbul olunmasını çox zəruri hesab etmisiniz. Avropa Şurası  43 dövləti özündə birləşdirir. Amma Avropa Şurasının baş qərargahı Strasburqda, Fransada yerləşir. Yanvar ayında mən Strasburqda olanda Fransanın prezidenti Jak Şirakın xüsusi dəvəti ilə Parisə getdim, görüşlər keçirdim. Ondan sonra o, fevral ayında məni dəvət etdi. Mən yenə də oraya getdim, Ermənistan prezidenti ilə görüşlər keçirtdik. Mən bunu çox yaxşı bilirəm və hiss edirəm ki, Prezident Jak Şirak Ermənistan-Azərbaycan münaqişəsinin həll olunması üçün çox səylər göstəribdir. İnanıram ki, həmin səylər bundan sonra da davam etdiriləcəkdir. Bir daha Sizə, Azərbaycanın dostuna buradakı fəaliyyətinizə görə təşəkkür edirəm.

Jan Pyer Ginyut  dövlətimizin başçısına minnətdarlıq edərəkdedi:

 - Cənab prezident, Sizin bu sözləriniz mənim qəlbimin dərinliklərində özünə yer etdi.

Bilirsinizmi, beş il bu ölkədə yaşayıb bütün bunları dərindən hiss etməmək qeyri-mümkündür. Beş il burada yaşayıb Azərbaycan xalqının belə səmimi rəğbətini, Bakı şəhərinin gözəlliyini duymamaq mümkün deyildir. Dağları və düzənlikləri ilə birlikdə ölkənizin gözəlliyini görməmək, duymamaq olmaz. Cənab Prezident, bütün bunlardan əlavə, deməliyəm ki, mənim bəxtim gətirmişdir. Mən 1996-cı ilin avqustunda öz etimadnaməmi Sizə təqdim etməli oldum. Bundan sonra mən burada ötən beş ili tarixi yaradan, tarixin əsl nümunəsi olan böyük bir şəxsiyyətin yanında fəaliyyət göstərdim. Özünü bu, sahədə göstərmək istəyən mənim kimi bir səfir üçün bu, həddindən artıq böyük bir imtiyaz və  şərəfdir. Tarixin bu ən mühüm mərhələsində mən də Sizinlə, Azərbaycanla birlikdə bu hadisələri  yaşadım.  Yəqin ki, yadınızdadır, mən bunları bizim milli bayramımız günündə də demişəm.

Heydər   Əliyev: Bəli, Sizin milli bayramınız günü nitqinizdə çox konkret ifadələr işlətdiniz və bu da mənim diqqətimi cəlb etdi.

Jan Pyer Ginyut: Bu, elə bir dövr idi ki, dövlətinizin bünövrəsi qoyulur, ona təminat yaradılırdı. Siyasi müşahidəçi üçün,  - məncə,  səfir elə həm də siyasi  müşahidəçidir, - tamamilə aydındır ki, dövlətin bünövrəsi belə möhkəm qoyulduqdan sonra dövlətdə, cəmiyyətdə lazım olan tədbirləri ğörmək və islahatları keçirmək olar. Əlbəttə, bəzən kimlərsə düşünürlər ki, başqa cür də etmək olar. Amma tarix və onun təcrübəsi göstərir ki, bu, mümkün deyildir.

Cənab Prezident, ikitərəfli münasibətlərə gəldikdə isə deməliyəm ki, doğrudan da ölkələrimiz arasındakı əlaqələr həddindən artıq zəngindir. Elə Sizin özünüzün də qeyd etdiyiniz kimi,  bu münasibətlərin inkişafında, onların belə zənginləşməsində əsas ilham mənbəyi Fransa Prezidenti Jak Şirakla Sizin dostluq əlaqələriniz olmuşdur.

Bakıya gəlməzdən əvvəl cənab Prezident Şirak məni qəbul edərkən dedi ki, işləmək üçün, əlbəttə, təlimatınız vardır, xidməti işlərinizin nədən ibarət olduğunu bilirsiniz. Mən sizdən yalnız bir şeyi tələb edirəm: Azərbaycana, Azərbaycan xalqına çatdırin ki, mən onlara dostluq münasibəti bəsləyirəm. Bununla demək istəyirəm ki, onun əsas məqsədi bundan ibarət idi ki, Azərbaycan-Fransa münasibətləri bu regionda nümunəvi münasibətlər olsun.

Cənab Prezident, mən də məhz bu ideyanı həyata keçirmək üçün əlimdən gələni etməyə çalışdım. Əlbəttə, əgər bu gün doğrudan da azərbaycanlılar da deyirlərsə ki, ölkələrimiz arasında xüsusi  münasibətlər var, şübhəsiz, bu, məndə böyük məmnunluq doğurur.  Cənab Prezident, elə Sizin özünüzün dediyiniz kimi, məmnunluq hissi doğuran hadisələrdən ən böyüyü, ən mühümü Azərbaycanın Avropa Şurasına qəbul olunmasıdır. Cənab  Prezident Şirak bu haqda dəfələrlə sizə deyib, mən də bunu həmişə demişəm: ümumiyyətlə, biz Fransada hamılıqla arzu edirdik ki, Azərbaycan Avropa Şurasına daha tez  qəbul olunsun.

Əlbəttə, biz başa düşürük ki, Azərbaycan kimi bir ölkənin, yəni respublikanızın bu mötəbər beynəlxalq təşkilata üzv olması onun bugünü və gələcəyi üçün ən böyük, güclü təminatlardan biridir.

Cənab Prezident, Minsk qrupu çərçivəsində aparılan danışıqlarla bağlı  demək istəyirəm ki, mənim ölkəm bundan sonra da bu prosesdə çox fəal olmağı planlaşdırır.  Əlbəttə, bu gün artıq Minsk qrupunun həmsədrləri,  onların regiona səfərləri, qrupun tərkibi hamıya bəllidir.  Minsk qrupunun həmsədri olan ölkələrin başçıları isə bu məsələ ilə bağlı tez-tez telefon əlaqəsi saxlayır və danışırlar.  Bundan əlavə, onlar həm də ikitərəfli əsasda,  eyni zamanda beynəlxalq tədbirlərdə bir-birləri ilə görüşürlər. Onlar hər dəfə qeyd edirlər ki, Dağlıq Qarabağ münaqişəsinin həlli gündəlikdədir. 

Cənab Prezident, mən Sizi əmin edirəm ki, cənab Prezident Şirak bu məsələdə öz fəallığını əvvəlki kimi  saxlayacaqdır.

Heydər  Əliyev: Təşəkkür edirəm. Birincisi, onu demək istəyirəm ki, siz buraya gələrkən Prezident Şirakın verdiyi təlimatı burada yerinə yetirmisiniz.

Avropa Şurası haqqında mən öz fikrimi dedim. Bilirəm ki, siz dəAzərbaycanın Avropa Şurasına daha erkən, daha tez qəbul olunmasının tərəfdarı idiniz.  Ancaq indi o,  arxada qalıbdır. İndiki mərhələdə bizim Avropa Şurasında Fransa iləəməkdaşlığımız olmalıdır. Mən ümid edirəm ki, bu əməkdaşlıq həmişə uğurlu olacaqdır.

Mən Fransanın Minsk qrupu tərkibində fəaliyyətini də müsbət qiymətləndirirəm. Həqiqətən son zamanlar dövlət başçıları, yəni Fransanın, Amerika Birləşmiş Ştatlarının, Rusiyanın dövlət başçıları bu məsələni bir neçə dəfə müxtəlif şəraitdə müzakirə ediblər. Mən inanıram ki, Minsk qrupu bundan sonra fəaliyyətini gücləndirəcəkdir. məsələnin sülh yolu ilə həll olunmasında mənMinsk qrupuna, onun həmsədrlərinə alternativ görmürəm. 

Bir daha Sizə təşəkkür edirəm,gələcək işlərinizdə uğurlar arzulayıram.

Jan  P yer  Ginyut: Cənab Prezident, çox sağ olun.  Mənim gələcək təyinatım yəqin ki,  avqust ayı ərzində müəyyənləşəcəkdir. Cənab Prezident, yeri gəlmişkən deyim ki, cənab nazir mənə Azərbaycanda bir qədər, yəni bir neçə gün,  iki həftə artıq qalmağa icazə veribdir. Bu müddətdə hansı vəzifəyə təyin olunduğumu öyrənə bilsəm, bu barədəSizə xəbər verəcəyəm.

Heydər Əliyev: Çox gözəl.

Qəbulda Prezidentin katibliyinin rəisi Dilarə Seyidzadə, Prezidentin icra aparatının beynəlxalq əlaqələr şöbəsinin müdiri Novruz Məmmədov iştirak edirdilər.

                                                       Azərtac

                                      Foto Yaşar Xəlilovundur