AZƏRBAYCAN PREZİDENTİ HEYDƏR ƏLİYEV ŞİMAL DƏNİZİNDƏKİ PLATFORMA İLƏ TANIŞ OLMUŞDUR

04.05.1996 [17:07]
Çap et
A⁺ A^-

Aprelin 26-da Azərbaycan Prezidenti Heydər Əliyev Norveçdə rəsmi səfərdə olarkən xüsusi vertolyotla Şimal dənizində, Stavangerdən 240 kilometr məsafədə yerləşən platformaya gəldi. Platformada işləyənlər dövlətimizin başçısını hərarətlə, mehribanlıqla qarşıladılar.

Sözün əsl mənasında möcüzəyə bənzəyən platforma dünyanın neft sənayesinin böyük nailiyyətlərindən biridir. Buradakı “Sleyner- A” yatağında istehsal olunan qaz birbaşa Avropanın müxtəlif şəhərlərinə ixrac edilir.

Prezident Heydər Əliyevə məlumat verildi ki, ildə altı milyard kubmetr qaz istehsal olunan bu platformada 51 adam işləyir. Dövlətimizin başçısı elektronika vasitəsilə idarə olunan, çox yüksək səviyyəli texnika və texnologiya tətbiq edilən bu platformanı başdan-başa gəzdi, orada çalışanlarla səmimi, mehriban söhbət etdi, onlarla görüşündən razı qaldığını bildirdi.

AZƏRBAYCAN PREZİDENTİ HEYDƏR ƏLİYEV ŞİMAL DƏNİZİNDƏKİ PLATFORMA İLƏ TANIŞ OLMUŞDUR

MÜƏLLİFLƏ ƏLAQƏ

Bölmənin digər xəbərləri