AZƏRBAYCAN PREZİDENTİ HEYDƏR ƏLİYEV VƏTƏNƏ QAYITMIŞDIR

06.07.1996 [14:46]
Çap et
A⁺ A^-

Almaniyada rəsmi səfərdə olan Azərbaycan Prezidenti Heydər Əliyev və onu müşayiət edən şəxslər iyulun 4-də Ştutqart şəhərinə gəldilər. Ştutqartın Exterdingen hava limanında dövlətimizin başçısının şərəfinə fəxri qarovul düzülmüşdü. Burada Prezident Heydər Əliyevi hərarətlə, mehribanlıqla və gül-çiçəklə qarşıladılar.

Respublikamızın rəhbəri Baden-Vürtenberq əyalətinin Baş naziri və əyalət parlamentinin deputatları ilə görüşdü. Dövlətimizin başçısı əyalət hökumətinin fəxri kitabını imza etdi.

Elə həmin gün Prezident Heydər Əliyev “Mercedes Benz” avtomobil şirkətinə getdi, son model avtomobillərə baxdı, yığma sexini gəzdi.

X X X

İyulun 4-də Azərbaycan Prezidenti Heydər Əliyevin Almaniyaya rəsmi səfəri başa çatdı. Ştutqart hava limanında dövlətimizin başçısını yüksək vəzifəli şəxslər yola saldılar.

X X X

Həmin gün Azərbaycan Prezidenti Heydər Əliyev və nümayəndə heyətinin üzvləri Vətənə qayıtdılar.

Binə hava limanında Prezident Heydər Əliyevi Milli Məclisin sədri Rəsul Quliyev, Baş nazir Fuad Quliyev, Prezidentin İcra Aparatının rəhbəri Ramiz Mehdiyev və digər rəsmi şəxslər qarşıladılar.

AZƏRBAYCAN PREZİDENTİ HEYDƏR ƏLİYEV VƏTƏNƏ QAYITMIŞDIR

MÜƏLLİFLƏ ƏLAQƏ

Bölmənin digər xəbərləri