AZƏRBAYCAN QROSSMEYSTERİ VÜQAR HƏŞİMOV DÜNYA REYTİNQİNİN İLK ONLUĞUNDADIR
Bakı, 8 oktyabr (AZƏRTAC). Azərbaycan qrossmeysteri Vüqar Həşimov FİDE reytinqinin ilk onluğuna daxil olmuşdur.
Həşimov son turnirlərdə uğurlu çıxışlardan sonra öz göstəricisini 15,7 bənd artıra bilmişdir. Hazırda 2755, 7 balla dünya reytinq cədvəlində 6-cı yeri tutur.
Cədvəldə birinci yeri Bolqarıstan şahmatçısı Veselin Topalov (2811,5) tutur. Onun ardınca Maqnus Karslen (Norvec, 2796,4), Vişvanatan Anand (Hindistan, 2788), Levon Aronyan (Ermənistan, 2783), Vladimir Kramnik (Rusiya, 2772), Vüqar Həşimov (Azərbaycan, 2755,7), Boris Gelfand (İsrail, 2754), Peter Leko (Macarıstan, 2752, 7), Aleksandr Morozeviç (Rusiya, 2750), Vasili İvançuk (Ukrayna, 2749,3) gəlirlər.
Azərbaycan şahmatçıları Teymur Rəcəbov (2747,2 ) 11-ci, Şəhriyar Məmmədyarov isə (2714,7) 23-cü yeri tuturlar.
Bölmənin digər xəbərləri
