RƏSMİ XRONİKA
AZƏRBAYCAN RESPUBLİKASININ PREZİDENTİ HEYDƏR ƏLİYEV SƏFƏRƏ YOLA DÜŞMÜŞDÜR
Mayın 6-da Azərbaycan Republikasının Prezidenti Heydər Əliyev faşizm üzərində qələbənin 50 illik yubileyinə həsr olunmuş şənliklərdə iştirak etmək üçün Böyük Britaniya rəhbərliyinin dəvəti ilə Londona yola düşmüşdür.
Azərbaycan dövlətinin başçısı tarixi qələbənin yarıməsrlik yubileyi münasibətilə mayın 8-də Parisdə və mayın 9-da Moskvada keçiriləcək bayram şənliklərində də iştirak edəcəkdir.
Respublika Prezidenti Heydər Əliyev səfərə yola düşməzdən qabaq Binə hava limanında jurnalistlərə müsahibə verdi.
Binə hava limanında Azərbaycan Prezidenti Heydər Əliyevi respublika Ali Sovetinin sədri Rəsul Quliyev, Baş nazir Fuad Quliyev, Prezidentin İcra Aparatının rəhbəri Ramiz Mehdiyev, Ali Sovetin sədrinin müavinləri, Baş nazirin müavinləri və digər rəsmi şəxslər yola salmışlar.