AZƏRBAYCAN RESPUBLİKASININ PREZİDENTİ HEYDƏR ƏLİYEVİN NYU-YORK GÖRÜŞLƏRİ

26.10.1995 [18:45]
Çap et
A⁺ A^-

BMT-nin 50 illiyi münasibətilə Nyu-Yorkda keçirilən yubiley təntənələrində iştirak edən Azərbaycan Respublikasının Prezidenti Heydər Əliyevin ABŞ Prezidenti Bill Klintonla görüşü Amerika mətbuatında geniş şərh olunur. “Vaşinqton post” qəzetində dərc olunan bir məqalədə bu görüş bölgəmiz üçün əhəmiyyətli hadisə kimi qiymətləndirilir.

Si-En-En teleşirkəti həmin görüş barədə Azərbaycan Prezidenti Heydər Əliyev ilə geniş müsahibə vermişdir. Dövlətimizin başçısı bu müsahibədə ABŞ-Azərbaycan münasibətlərinin inkişafından razı qaldığını bildirmişdir.

Oktyabrın 24-də axşam Nyu-Yorkda Amerikanın neft şirkətləri Azərbaycan Prezidenti Heydər Əliyevin şərəfinə böyük ziyafət vermişlər. Ziyafətdə ABŞ-ın rəsmi nümayəndələri də iştirak etmişlər.

Oktyabrın 26-da Azərbaycan Prezidenti Heydər Əliyev Nyu-Yorkda Bosniya-Hersoqovinanın Prezidenti Aliya İzzətbəyoviçlə, Litva Prezidenti Algirdas Brazauskasla və ABŞ-ın nüfuzlu banklarının rəhbərləri ilə görüşlər keçirmişdir.

Azərbaycan və Ermənistan rəhbərləri ilə görüşən Finlandiya Prezidenti Marti Axtisaari demişdir ki, “Hazırda ən başlıca vəzifə qoşunların işğal olunmuş ərazilərdən çıxarılmasıdır”.

AZƏRBAYCAN RESPUBLİKASININ PREZİDENTİ HEYDƏR ƏLİYEVİN NYU-YORK GÖRÜŞLƏRİ

MÜƏLLİFLƏ ƏLAQƏ

Bölmənin digər xəbərləri