AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
İcazə verin, elmi-pedaqoji fəaliyyətimi yüksək qiymətləndirdiyinizə görə və mənə Azərbaycan Respublikası Prezidentinin fərdi təqaüdünün verilməsi münasibətilə Sizə dərin və səmimi təşəkkürümü bildirim. Mən bu fərəhli xəbəri böyük sevinc və məsuliyyət hissi ilə qarşılamışam. Respublikamızda təhsil islahatı böyük uğurla həyata keçirilir. Siz bu əzəmətli islahat proqramının müdrik memarısınız. Azərbaycan müəllimləri Sizin atalıq qayğınızla fərəhlə fəaliyyət göstərirlər. Təhsil işçilərinin əmək haqlarının artırılması barəsində Sizin yeni sərəncamınız bu tükənməz atalıq qayğısının parlaq təzahürüdür. Təhsil islahatı şəraitində əməyim yüksək dəyərləndirildiyi üçün özümü xoşbəxt sayıram. Prezident fərdi təqaüdünün məsuliyyəti məni daha artıq əzmlə çalışmağa ruhlandıracaqdır.Bir daha təşəkkür edir, Sizə cansağlığı, Azərbaycan xalqının rifahı, ölkəmizin vüsətli inkişafı, müstəqilliyimizin möhkəmlənməsi naminə böyük fəaliyyətinizdə yeni-yeni uğurlar arzulayıram.Dərin hörmətlə,
Professor
Ə.Ə.Əlizadə.
Bölmənin digər xəbərləri
