Azərbaycan şahmatçısı “Open A” turnirində liderliyə yüksəlib
Bakı, 8 iyul, AZƏRTAC
Azərbaycan şahmatçıları Serbiyada keçirilən “Open A” turnirində liderlər qrupunda çıxışlarını uğurla davam etdirirlər.
AZƏRTAC xəbər verir ki, üç turda qələbə qazanan Vüqar Əsədli turnir cədvəlində liderliyə yüksəlib. Bütün görüşləri qələbə ilə başa vuran daha bir təmsilçimiz - Nail Bəşirli isə əlavə göstəricilərə görə beşinci pillədədir. Digər şahmatçılarımızdan Abdulla Qədimbəyli və Mustafa Məmmədov isə iki xal toplayıblar.
Yarışda 32 ölkədən 166 şahmatçı iştirak edir. İsveçrə sistemi üzrə keçirilən turnirə iyulun 12-də yekun vurulacaq.
Bölmənin digər xəbərləri
