Azərbaycan taekvondoçuları Avropa təsnifat turnirində mübarizəyə başlayırlar
Bakı, 7 may, AZƏRTAC
Mayın 7-də Bolqarıstanın paytaxtı Sofiyada Olimpiya Oyunlarına lisenziya xarakterli taekvondo üzrə Avropa təsnifat turnirinə start verilib.
AZƏRTAC xəbər verir ki, yarışın birinci günündə iki taekvondoçumuz - 49 kiloqram çəki dərəcəsində Patimat Abakarova və Fəridə Əzizova (67 kq) dayanq üzərinə çıxacaqlar. Hər iki taekvondoçumuzun birinci görüşdə rəqibləri Rumıniya idmançıları olacaqlar. P.Abakarova Liana Musteata, F.Əzizova isə Andreea Mocanu ilə qarşılaşacaqlar.
Kişi taekvondoçumuz Radik İsayev (+80 kq) mübarizəyə mayın 8-də başlayacaq.
Bölmənin digər xəbərləri
