AZƏRBAYCAN TAEKVONDOÇULARI MİSİRDƏ BEYNƏLXALQ TURNİRDƏ İŞTİRAK EDƏCƏKLƏR
AZƏRTAC xəbər verir ki, Azərbaycanın taekvondo üzrə yığma komandası yanvarın 26-dan 29-dək Misirdə keçiriləcək beynəlxalq turnirdə iştirak etmək üçün Qahirəyə yola düşmüşdür.
Yarışda ölkəmizin idman şərəfini məşqçi Məmməd Abdullayevin rəhbərliyi ilə Vasif Qurbanov (58 kq), Tural Vəlibəyov (67 kq), Elvin Məmmədov (72 kq), Ramin Nəcatlı (78), Vüqar Məcidov (84 kq-dan yuxarı) böyüklər, Eldar Qurbanov (55 kq), Nicat Haqverdiyev (59 kq), Səbuhi İsmayılov (68 kq) isə gənclər arasında qoruyacaqlar.
Qeyd edək ki, yığma komandanın digər üzvləri baş məşqçi Ələkbər İmaməliyevin rəhbərliyi ilə fevralın 1-dən 3-dək İsveçin Trelleborq şəhərində beynəlxalq turnirdə gücünü sınayacaqlar.
Bölmənin digər xəbərləri
