AZƏRBAYCAN TƏHSİL MÜƏSSİSƏLƏRİ MÜƏLLİMLƏRİNİN ASSOSİASİYASI “DƏYİRMİ MASA” KEÇİRƏCƏK

06.10.2005 [22:38]
Çap et
A⁺ A^-

Oktyabrın 8-də Bakıdakı 134 nömrəli məktəbdə Müəllim gününə həsr olunmuş “dəyirmi masa” olacaqdır. Respublika Təhsil Müəssisələri Müəllimləri Assosiasiyasının keçirəcəyi tədbir çərçivəsində ötən tədris ilinə yekun vurulacaq, attestasiya göstəriciləri yüksək olan müəllimlər mükafatlandırılacaqlar.

Assosiasiyanın sədri Lyubov Yakunina AZƏRTAC-ın müxbirinə bildirmişdir ki, bu təşkilatın təsisçisi Rus icması və Bakı, Sumqayıt, Lənkəran, Gəncə və digər şəhərlərdəki təhsil müəssisələrinin pedaqoji kollektivləridir. 134 nömrəli məktəb assosiasiya üçün bazadır və belə tədbirlər xoş ənənə halını almaqdadır.

“Dəyirmi masa”da Moskvada keçirilən Puşkin bayramında iştirak edən şəxslər səfərlə bağlı təəssüratlarını bölüşəcəklər. Sonra kiçik konsert olacaqdır.