“AZƏRBAYCAN TƏLƏBƏSİ BU GÜN” ADLI KONFRANS KEÇİRİLMİŞDİR
Bakı, 9 oktyabr (AZƏRTAC). Azərbaycan Tələbələr Birliyi “Tələbə evi” layihəsi çərçivəsində “Azərbaycan tələbəsi bu gün” adlı konfrans keçirmişdir.
Tələbələrin, qeyri-hökumət təşkilatları, kütləvi informasiya vasitələri və beynəlxalq qurumların nümayəndələrinin iştirak etdiyi konfransın məqsədi Azərbaycan tələbəsinin problemlərinin müəyyən edilməsi, onların həlli üçün müxtəlif proqram və layihələrin hazırlanması, tələbələrin uğurları haqqında ictimaiyyətə məlumat çatdırmaq idi.
Azərbaycan Tələbələr Birliyinin sədri Elvin Aslanov çıxış edərək bu gün tələbələrin üzləşdiyi problemlər və onların konkret həlli yolları barədə ətraflı məlumat vermişdir.
“İrəli” İctimai Birliyinin ali məktəblər üzrə katibi Vüsal Bəkirov, “Gənclər üçün təhsil mərkəzi”nin direktoru Vüsal Quliyev və müxtəlif ali məktəblərdə fəaliyyət göstərən tələbə təşkilatlarının nümayəndələri mövzu ilə bağlı münasibətlərini bildirmişlər. Konkret məsələlərə dair layihələrin icrasına başlanılmasının vacibliyi vurğulanmışdır.
Bölmənin digər xəbərləri
