AZƏRBAYCAN-UKRAYNA HÖKUMƏTLƏRARASI KOMİSSİYANIN NÖVBƏTİ İCLASI PAYIZDA KEÇİRİLƏCƏKDİR
Azərbaycan-Ukrayna iqtisadi əməkdaşlıq üzrə hökumətlərarası komissiyanın növbəti - VIII iclası cari ilin payızında Kiyevdə keçiriləcəkdir.
AZƏRTAC xəbər verir ki, bunu sentyabrın 4-də Ukraynanın Azərbaycandakı səfiri Boris Klimçuk bildirmişdir.
Səfir qeyd etmişdir ki, Ukrayna tərəfindən komissiyaya sədrlik edən Baş nazirin müavini Qriqori Nemırya və komissiyanın azərbaycanlı həmsədri, Baş nazirin birinci müavini Yaqub Eyyubov iclasla bağlı müzakirələr aparmışlar. Tərəflər qərara gəlmişlər ki, komissiyanın iclası noyabrda Bakıda keçiriləcək Enerji Sammitinə qədər təşkil olunsun.
Xatırladaq ki, ilkin olaraq komissiyanın iclasının bu ilin iyununda keçirilməsi planlaşdırılmışdı.
Bölmənin digər xəbərləri
