AZƏRBAYCAN ÜZGÜÇÜLƏRİ DÜNYA ÇEMPİONATINDA İŞTİRAK EDƏCƏKLƏR
Gənclər və İdman Nazirliyindən AZƏRTAC-a bildirmişlər ki, Azərbaycan üzgüçüləri aprelin 9-12-də Mançesterdə keçiriləcək dünya çempionatında iştirak edəcəklər. Yarışda Azərbaycanın idman şərəfini qoruyacaq Nataliya Filina ilə Tural Abbasov sərbəst, Teymur Quliyevlə Oksana Hətəmxanova isə brass üsulu üzrə yarışlarda mübarizə aparacaqlar.
T.Abbasov və O.Hətəmxanovanın Pekin Olimpiadasında iştirak edəcəyini nəzərə alan məşqçilər heyəti idmançıları dünya çempionatında sınamaq qərarına gəlmişlər. Xatırladaq ki, Beynəlxalq Üzgüçülük Federasiyası tərəfindən verilən vayld-kartlar sayəsində hər iki idmançımız Pekin Olimpiadasında iştirak etmək hüququ qazanmışdır.
Bölmənin digər xəbərləri
