AZƏRBAYCANA ALMANİYADAN 200 BAŞ QARAMAL İDXAL EDİLƏCƏKDİR
“Aqrolizinq” Açıq Səhmdar Cəmiyyətindən AZƏRTAC-a bildirmişlər ki, gələn il yanvarın ikinci ongünlüyündə Almaniyadan ölkəmizə 200 baş damazlıq qaramal gətiriləcəkdir.
Bu, mal-qaranın məhsuldarlığını yüksəldəcək və damazlıq heyvanların sayının artmasına səbəb olacaqdır.
Müxtəlif cinsli damazlıq heyvanlar ölkəmizə gətirilməzdən əvvəl 20 gün Almaniyada karantin şəraitində saxlanılacaqdır. Bu müddətdə heyvanların sağlamlığı yoxlanılacaq və baytarlıq sənədləri tərtib ediləcəkdir.
Qeyd edək ki, gətirilən qaramal arasında qara-ala cinsli damazlıq heyvanlar 305 gün ərzində 8-10 min litr süd verir. Digər cinslər isə ətlik və südlük istiqamətlidir.
Bölmənin digər xəbərləri
