AZƏRBAYCANDA E-HÖKUMƏTİN HAZIRKI DURUMU İLƏ ƏLAQƏDAR LAYİHƏ TƏQDİM OLUNMUŞDUR
Mərasimdə rabitə və informasiya texnologiyaları naziri Əli Abbasov “Azərbaycanda e-idarəçilik: dövlət idarəçiliyində şəffaflıq və hesabatlılığın təmin edilməsinə BMT İP-in töhfəsi” adlı sənəd barədə ətraflı danışmışdır. O qeyd etmişdir ki, Azərbaycanın dünyada gedən proseslərə inteqrasiyası çərçivəsində rabitə texnologiyalarının ölkəmizdə tətbiqinə ciddi diqqət yetirilir. BMT İP-in Azərbaycandakı nümayəndəliyi, Kembric Universiteti və Kembric Təhlükəsizlik Proqramının Şəbəkə üzrə Ali Tədqiqat Qrupunun direktoru, müstəqil ekspert Rafal Rohozinski tərəfindən işlənib hazırlanmış layihə geniş müzakirə olunduqdan sonra həyata keçiriləcəkdir. Layihə müəllifinin, dünyanın digər ölkələrindəki kimi, Azərbaycanda da yeni texnologiyanın tətbiqi sahəsində böyük xidmətləri vardır.
BMT-nin rezident-əlaqələndiricisi Marko Borsotti layihə ilə bağlı fikirlərini açıqlamış, müstəqil ekspert R.Rohozinski hesabat barədə slaydların köməyi ilə ətraflı məlumat vermişdir.
Tədbirdə iştirakçıları maraqlandıran suallar cavablandırılmışdır.
