AZƏRBAYCANDA RUSİYA FEDERASİYASI MƏDƏNİYYƏTİ GÜNLƏRİ
Azərbaycanda Rusiya Federasiyası mədəniyyəti günləri çərçivəsində aprelin 24-də Azərbaycan Dövlət Akademik Opera və Balet Teatrının səhnəsində Cüzeppe Verdinin “Aida” operasının tamaşası olmuşdur.
Tamaşaçılar Rusiya opera sənətinin ulduzları - Dövlət Akademik Böyük Teatrın solistləri, xalq artistləri, dövlət mükafatı laureatları, vokalçıların beynəlxalq müsabiqələri laureatları İrina Ryabtsova və Lev Kuznetsovun yüksək ifaçılığını alqışlarla qarşılamışlar. Tamaşanın dirijoru Azərbaycanın əməkdar incəsənət xadimi, opera və balet teatrının baş dirijoru Cavanşir Cəfərov idi.
Həmin gün Səməd Vurğun adına Azərbaycan Dövlət Rus Dram Teatrında V.F.Komissarjevskaya adına Sankt-Peterburq Akademik Dram Teatrı artistlərinin ifasında Eduardo de Filipponun “Oğru cənnətdə” tamaşası göstərilmişdir.
“Nizami” kinoteatrında isə rejissor Boris Ximiçevin “Yuri Dolqoruki” bədii filmi nümayiş etdirilmişdir.
Bölmənin digər xəbərləri
