“AZƏRBAYCANDA YAPONİYA BAHARI” SƏRGİSİ
“Azərbaycan-Yaponiya” Cəmiyyəti “Azərbaycanda Yaponiya baharı” mövzusunda sərgi açmışdır. Yaponiyanın Bakıdakı səfirliyinin binasında təşkil olunmuş sərgidə cəmiyyətin üzvlərinin- rəssamlıq kollecinin 20 tələbəsinin 30-dan artıq işi nümayiş etdirilir. Təsviri sənətin boyakarlıq, qrafika və heykəltəraşlıq janrlarında işlənmiş bu əsərlərin əsas mövzusu Yaponiyanın həyatı və təbiət mənzərələri ilə bağlıdır.
Cəmiyyətin sədrinin birinci müavini Eldar Məmmədov, Yaponiyanin ölkəmizdəki səfiri Tetsuya Xirose, tarix elmləri doktoru, professor Qüdrət İsmayılov, pedaqoji elmləri doktoru, professor Rəfiqə Mustafayeva, ciu-citsu federasiyasının prezidenti Mirəli Seyidov açılış mərasimində çıxış edərək, ölkələrimiz arasında mədəni əlaqələrin inkişafında belə tədbirlərin əhəmiyyətindən danışmışlar.
Açılış mərasimdə xarici diplomatlar, respublikamızın elm və mədəniyyət xadimləri iştirak etmişlər.
Bölmənin digər xəbərləri
