AZƏRBAYCANDAKI DİNİ QURUMLARIN VƏZİYYƏTİ İNGİLTƏRƏ PARLAMENTİNDƏ MÜZAKİRƏ EDİLƏCƏK
Dini Qurumlarla İş üzrə Dövlət Komitəsinin sədri Rafiq Əliyev martın 3-də Böyük Britaniyaya səfər edəcəkdir. O, AZƏRTAC-a bildirmişdir ki, səfərdən məqsəd Böyük Britaniya parlamentinin Lordlar palatasında “Azərbaycanda dini vəziyyət” mövzusunda keçiriləcək seminarda iştirak və çıxış etməkdir. Bəzi qüvvələr Azərbaycanda dini azlıqların təqib olunması və azsaylı xalqların hüquqlarının pozulması barədə yalan məlumatlar yaymışlar. Böyük Britaniya parlamentinin Lordlar palatasının 3 nəfər üzvü Azərbaycana səfər etmiş, bölgələrdə dini icmalar və azsaylı xalqların vəziyyəti ilə yaxından tanış olmuşlar. Azərbaycanda dini qurumlar və azsaylı xalqların hüquqlarının yüksək səviyyədə qorunduğunun şahidi olan lordlar Azərbaycan Respublikasının Böyük Britaniyadakı səfirliyi ilə birlikdə bu mövzuda seminar keçirməyi qərara almışlar.
Seminarda Azərbaycanda dini qurumlara, azsaylı xalqların hüquqlarının yüksək səviyyədə qorunması və mədəniyyətlərini inkişaf etdirmək üçün onlara yaradılmış yüksək şəraitlə bağlı məruzələr dinləniləcəkdir.
Bölmənin digər xəbərləri
