Azərbaycanın atların Afrika xəstəliyindən azad ölkə statusu ÜHST tərəfindən təsdiq olunub
Bakı, 26 dekabr, AZƏRTAC
Atların Afrika xəstəliyi üzrə Azərbaycan Qida Təhlükəsizliyi Agentliyi (AQTA) tərəfindən görülən işlər yüksək qiymətləndirilib.
Bu barədə AZƏRTAC-a AQTA-nın İnformasiya təminatı və innovativ həllər şöbəsindən məlumat verilib.
Bildirilib ki, cari il ərzində atların Afrika xəstəliyi üzrə monitorinqlər keçirilib və nəzarət tədbirləri görülüb. Tələb olunan zəruri məlumatlar əsasında müvafiq hesabatlar Ümumdünya Heyvan Sağlamlığı Təşkilatına (ÜHST) təqdim edilib.
Görülən işlər nəticəsində 2025-ci il üzrə Azərbaycanın atların Afrika xəstəliyindən mövcud olan azad ölkə statusu 2026-cı ilin sonunda növbəti hesabat təqdim edilənə qədər ÜHST tərəfindən təsdiq olunub.
“Xüsusi təhlükəli heyvan xəstəlikləri üzrə baytarlıq nəzarəti tədbirləri davam etdirilir”, - deyə məlumatda bildirilib.
Bölmənin digər xəbərləri
