AZƏRBAYCANIN ƏMƏK VƏ ƏHALİNİN SOSİAL MÜDAFİƏSİ NAZİRİ BEYNƏLXALQ TƏDBİRDƏ İŞTİRAK ETMİŞDİR
İclasın ilk günü Assosiasiyanın baş direktorunun “2001-2003-cü illərdə sosial təminatın inkişafı və istiqamətləri” mövzusunda məruzəsi dinlənilmişdir.
Assambleyada sosial təminat sahəsində araşdırmaların nəticələri, məşğulluğun təmin edilməsi və işsizlik sığortası, ailə müavinətləri, əməkçi miqrantların və onların ailələrinin sosial müdafiəsi, iş yerlərində qəzalar və peşə xəstəliklərindən sığorta, yaşa, əlilliyə və tənhalığa görə sığorta mövzuları üzrə müzakirələr aparılmışdır.
Nazir Əli Nağıyev tədbir çərçivəsində Çin Xalq Respublikasının əmək və sosial təminat naziri Çjen Sılin və İran İslam Respublikasının rifah və ictimai təminat naziri Məhəmmədhüseyn Şərifzadeqanla görüşmüş, ikitərəfli əməkdaşlığa dair fikir mübadiləsi aparmışdır.
