Azərbaycanın iki fiqurlu konkisürəni dünya çempionatına vəsiqə qazanıb
Bakı, 1 dekabr, AZƏRTAC
Azərbaycanı beynəlxalq fiqurlu konkisürmənin buz üstündə rəqs növü üzrə yarışlarda təmsil edən Anna Obrien və Dreyk Tonq cütlüyü yeniyetmələr arasında keçiriləcək dünya çempionatına vəsiqə qazanıb.
Bu barədə AZƏRTAC-a Azərbaycan Qış İdman Növləri Federasiyasından məlumat verilib.
Onlar bu uğura Macarıstanın Budapeşt şəhərində keçirilən “Santa Klaus” kubokunda 11 idmançı arasında (126.79 xal) 6-cı yeri tutmaqla nail olublar.
Qeyd edək ki, yeniyetmələr arasında dünya çempionatı martın 3-8-də Estoniyanın paytaxtı Tallin şəhərində keçiriləcək.
Bölmənin digər xəbərləri
