AZƏRBAYCANIN İŞĞAL OLUNMUŞ TORPAQLARI AZAD EDİLMƏYİNCƏ ERMƏNİSTANLA HEÇ BİR ƏLAQƏ QURULMAYACAQDIR
Dünya azərbaycanlılarının II qurultayı bütün türk dünyasına möhtəşəm güc verdi. AZƏRTAC-a müsahibəsini bu sözlərlə başlayan qurultay iştirakçısı, Mərmərə Qrupu Strateji və Sosial Araşdırmalar Vəqfinin nümayəndəsi xanım Müjgan Suver demişdir ki, yaxın gələcəkdə Türkiyə və Ermənistan arasında iqtisadi və digər əlaqələrin yaranacağı barədə tez-tez gündəmə gələn söz-söhbətin əsası yoxdur. Azərbaycanın işğal olunmuş torpaqları azad edilməyincə Türkiyə dövləti Ermənistanla əlaqələrin qurulmasına qərar verməyəcəkdir. Təcavüzkar Ermənistan, birmənalı olaraq, Türkiyəyə qarşı əsassız ərazi iddialarından əl çəkməli və qondarma “Erməni soyqırımı” məsələsini gündəmdən çıxarmalıdır. Əks halda, düşmənçilik mövqeyinin zərərini daha çox özü çəkəcəkdir.
Bölmənin digər xəbərləri
