AZƏRBAYCANIN MƏHSULLARI NORVEÇƏ XÜSUSİ GÜZƏŞTLƏRLƏ İXRAC EDİLƏCƏKDİR
İnkişaf etmiş ölkələr tərəfindən təqdim edilən Ümumiləşdirilmiş Preferensiyalar Sistemində (ÜPS) Azərbaycanın benefisiar ölkə statusu ilə yer alması respublikanın ixrac potensialının genişləndirilməsi və ixracın strukturunun şaxələndirilməsi baxımından əhəmiyyətlidir.
AZƏRTAC xəbər verir ki, bu il yanvarın 1-dən ÜPS-ə daxil edilmiş Azərbaycanın həmin proqramdan istifadə etməsi üçün İqtisadi İnkişaf Nazirliyi bir sıra zəruri məlumatları hazırlayaraq Norveç Krallığının Bakıdakı səfirliyinə təqdim etmişdi.
Krallığın Gömrüklər və Aksizlər İdarəsindən nazirliyə daxil olan məktubda göndərilən məlumatların nəzərə alındığı və Azərbaycan Respublikasına münasibətdə Krallığın ÜPS proqramının aktiv hala gətirildiyi bildirilmişdir. Bundan sonra Azərbaycandan ixrac ediləcək məhsullara xüsusi tarif güzəştləri tətbiq olunacaqdır. Tarif güzəştləri tətbiq edilən Azərbaycan mənşəli məhsulların siyahısı və güzəşt dərəcələri haqqında məlumatlar www.wto.az/norwegian-gsp.htm saytında yerləşdirilmişdir.
Bölmənin digər xəbərləri
