Azərbaycanın tələbə futzal komandası Avropa Universitet oyunlarında iştirak edir
Bakı, 9 iyul, AZƏRTAC
Macarıstanın Debretsen şəhərində tələbələr arasında futzal üzrə V Avropa Universitet oyunları keçirilir.
Azərbaycan Tələbə Futbol Federasiyası İctimai Birliyindən AZƏRTAC-a verilən məlumata görə, yarışda ölkəmizi ilk dəfə təşkil olunan Tələbə Liqasının qalibi olmuş İdman Akademiyasının komandası təmsil edir.
Turnirə hazırlıq məqsədilə iyunun 3-dən 5-dək Bakıda təlim-məşq toplanışı keçirilib.
Qeyd edək ki, komanda iyulun 7-də Macarıstana yola düşüb.
Bölmənin digər xəbərləri
