Azərbaycanın U-19 millisi seçmə mərhələdə son oyununa çıxacaq
Bakı, 2 dekabr, AZƏRTAC
Azərbaycanın 19 yaşadək qadın futbolçulardan ibarət milli komandası bu gün Avropa çempionatının seçmə mərhələsində sonuncu oyununu keçirəcək.
AZƏRTAC xəbər verir ki, B Liqasının 5-ci qrupunda yer alan yığma meydan sahibi Kipr seçməsi ilə üz-üzə gələcək.
Pafos şəhərində yerləşən “Peyia Municipal” stadionunda təşkil olunacaq qarşılaşmanı ukraynalı baş hakim Kristina Kozoroq idarə edəcək. Matç Bakı vaxtı ilə saat 13:00-da başlayacaq.
Qeyd edək ki, millimiz qrupdakı ilk matçında İsveçrəyə 0:8, Estoniyaya isə 0:3 hesabı ilə məğlub olub.
Bölmənin digər xəbərləri
