AZƏRBAYCANIN VOLEYBOL ÜZRƏ YIĞMA KOMANDASI RUSİYA MİLLİSİNƏ QALİB GƏLMİŞDİR
Bakı, 30 iyun (AZƏRTAC). Azərbaycanın voleybol üzrə qadınlardan ibarət yığma komandası Yekaterinburqda Rusiyanın birinci prezidenti Boris Yeltsinin xatirəsinə həsr olunmuş beynəlxalq turnirdə ilk qələbəsini qazanmışdır.
Meydan sahibi Rusiya komandası ilə qarşılaşan Faiq Qarayevin yetirmələri oyunun ilk iki hissəsindən sonra məğlub olsalar da, əzmkar oyun sayəsində son anda 3:2 (15:25, 12:25, 25:18, 25:16, 15:9) hesabı ilə qələbə qazanmışlar. Beləliklə, üç turdan sonra Azərbaycan yığması Yaponiya və Belarus komandalarını geridə qoyaraq turnir cədvəlində 4-cü yeri tutmuşdur.
Bölmənin digər xəbərləri
