AZƏRBAYCANIN YENİYETMƏ CÜDOÇULARI BEYNƏLXALQ TURNİRİN MEDALLARINA LAYİQ GÖRÜLMÜŞLƏR
AZƏRTAC xəbər verir ki, Azərbaycanın yeniyetmə cüdoçuları türkiyəli həmyaşıdları ilə birgə Şanlıurfa şəhərində təlim-məşq toplanışlarında iştirak etmişlər.
Bir həftəlik təlim-məşq toplanışlarının sonunda 200-dək cüdoçunun iştirakı ilə beynəlxalq turnir keçirilmişdir.
Yarışda əsasən “Neftçi” İdman Sağlamlıq Mərkəzi və “Atilla” İdman Klubunun cüdoçularından ibarət Azərbaycan yığması ilə yanaşı, Türkiyə, Suriya və Bolqarıstan atletləri də mübarizə aparmışlar.
Turnirin nəticələrinə əsasən, Anar Babayev (60 kq), Elşad Hacıyev (66 kq), Güman Əliyev (73 kq) fəxri kürsünün ən yüksək pilləsinə qalxmışlar.
Məhəmməd Novruzov (34 kq), Emin Əliyev (50 kq), Eldar İsmayılov (60 kq), Mövsüm Yusifov (73 kq) gümüş, Elçin Novruzzadə (30 kq) və Elçin Əliyev (73 kq-dan yuxarı) isə bürünc medallara layiq görülmüşlər.
Bölmənin digər xəbərləri
