AZƏRBAYCANIN YUNAN-ROMA GÜLƏŞÇİLƏRİNİN “AVROPA ÇEMPİONLAR KUBOKU” TURNİRİNDƏ İŞTİRAKI TƏSDİQLƏNMİŞDİR
Bakı, 8 oktyabr (AZƏRTAC). Azərbaycanın yunan-Roma güləşçiləri bu ildən yenidən bərpa olunan klublararası “Avropa çempionlar kuboku” turnirində iştirak edəcəklər.
Dekabrın 6-7-də Novosibirskdə təşkil olunacaq yarışda Avropanın ən güclü klubları yarışacaqlar. Yarışın yenidən bərpa olunması Avropa Güləş Assosiasiyaları Komitəsinin (CELA) bu yaxınlarda keçirilmiş iclasında qərara alınmışdır.
Azərbaycanla yanaşı, turnirdə Rusiya, Ukrayna, Serbiya, Polşa və İsveçin ən güclü klublarının iştirakı dəqiqləşmişdir.
Qaydalara əsasən, komandalar iki yarımqrupa bölünəcəklər. Öz qruplarında ilk iki yeri tutmuş kollektivlər isə mükafatlar uğrunda “dördlər finalı”nda yarışacaqlar.
Bölmənin digər xəbərləri
