Azərbaycanlı alimlərin məqaləsi yüksək impakt faktorlu jurnalda dərc olunub
Bakı, 2 fevral, AZƏRTAC
Mərkəzi Nəbatat Bağının direktoru Vahid Fərzəliyevin, Bağın əməkdaşı biologiya üzrə fəlsəfə doktoru Fərid Seyfullayevin Amerika və İsveçrədən olan həmkarları ilə həmmüəllif olduqları “Azərbaycanın cənubunda yayılan giləmeyvəli qaraçöhrə (Taxus baccata L.) növünün dendroiqlim potensianlı” məqaləsi yüksək impakt faktorlu jurnalda dərc edilib.
Bu barədə AZƏRTAC-a Nəbatat Bağından məlumat verilib. Bildirilib ki, “Tree-Ring Research” jurnalında dərc edilən məqalədə Lerik rayonunun dağlıq ərazisində yayılan giləmeyvəli qaraçöhrə populyasiyasının dendroiqlim potensialı qiymətləndirilib. Nəticədə bu növün iqlim amillərinə həssas olması müəyyənləşdirilib və tədqiqatların davam etdirilməsi qərara alınıb.
Qeyd edək ki, “Tree-Ring Research” jurnalı 1934-cü ildən ABŞ-da “Allen” nəşriyyatında çap olunur və “Clarivate Analytics” bazasında impakt faktoru 1.719-dur.
Bölmənin digər xəbərləri
