Azərbaycanlı Gündüz Məmmədov Odessanın yeni prokuroru təyin edilmişdir
Bakı, 12 iyul (AZƏRTAC). Ukrayna Baş prokurorunun cari il 11 iyun tarixli əmrinə əsasən Gündüz Məmmədov Odessa şəhərinin prokuroru təyin edilmişdir. Bu barədə AZƏRTAC-a Ukraynadakı Azərbaycanlı Gənclər İttifaqının (UAGİ) mətbuat xidmətindən bildirmişlər.
Gündüz Aydın oğlu Məmmədov 1974-cü il oktyabrın 26-da Gəncə şəhərində anadan olmuşdur. Meçnikov adına Odessa Dövlət Universitetini bitirmişdir. Odessa şəhərindəki Primorsk rayonu prokurorunun köməkçisi, müavini, birinci müavini, Odessa şəhəri prokurorunun müavini, Kiyev Vilayət Şöbəsinin prokuroru, Ukrayna Prokurorluğu Akademiyasının baş elmi işçisi, Dnepr rayon İstintaq şöbəsinin rəisi vəzifələrində işləmişdir. Gündüz Aydın oğlu Məmmədov hüquq elmləri namizədi və Ukraynanın böyük ədliyyə müşaviridir.
Bölmənin digər xəbərləri
