AZƏRBAYCANLILARIN SOYQIRIMI XALQIMIZIN ÜRƏYİNDƏ SAĞALMAZ YARALAR QOYMUŞDUR
Yığıncağı giriş sözü ilə açan metropolitenin rəisi Tağı Əhmədov Prezidentin “Azərbaycanlıların soyqırımı haqqında” 1998-ci il 26 mart tarixli Fərmanından irəli gələn məsələlərdən bəhs edərək dedi ki, qeyd olunan sənəd təcavüzkar Ermənistanın işğalçılıq siyasətinin dünya ictimaiyyətinə olduğu kimi çatdırılmasında mühüm rol oynamışdır və bu proses Prezident İlham Əliyevin rəhbərliyi ilə uğurla davam etdirilir. Azərbaycanlıların soyqırımı xalqımızın ürəyində sağalmaz yaralar qoymuşdur. Ona görə də, tarixin acı həqiqətlərini öyrənmək olduqca vacib işdir.
Digər çıxış edənlər ermənilərin zaman-zaman Azərbaycan xalqına etdikləri xəyanətlərdən danışdılar. Qeyd olundu ki, xaqımızın başına gətirdikləri müsibətlərdən düzgün nəticə çıxarmaq üçün tarixi həqiqətlər dərindən öyrənilməlidir. Dahi rəhbərimiz Heydər Əliyev işğalçı Ermənistanın ifşa olunmasında böyük bir irs yaratmışdı. Bu irsin öyrənilməsində, dərk edilməsində və gələcək nəsillərə düzgün çatdırılmasında hər birimiz üzərimizə düşən vəzifəni layiqincə yerinə yetirməliyik.
