“AZƏRDƏMİRYOLBANK”IN SƏHMLƏRİNİN EMİSSİYA PROSPEKTİ QEYDƏ ALINMIŞDIR
“Azərdəmiryolbank” ASC-nin mətbuat xidmətindən AZƏRTAC-a bildirmişlər ki, Azərbaycan Respublikası Prezidenti yanında Qiymətli Kağızlar üzrə Dövlət Komitəsi tərəfindən bankın ümumi məbləği 3 milyon manat, hər birinin nominal dəyəri 20 qəpik olan səhmlərinin emissiya prospekti qeydə alınmışdır.
Səhmlər yerləşdirildikdən sonra bankın ödənilmiş nizamnamə kapitalı 13,4 milyon manata çatmışdır. Ümumi kapital isə cari il sentyabrın əvvəlinə 34,3 milyon manatdan çox olmuşdur.
