“AZƏRENERJİ”NİN MÜƏSSİSƏLƏRİNDƏ 48,5 MİN TON ŞƏRTİ YANACAĞA QƏNAƏT OLUNMUŞDUR
Sentyabrda Azərbaycanın istilik elektrik stansiyalarında 1kilovat-saat elektrik enerjisinin istehsalına 380,53 qram şərti yanacaq sərf olunmuşdur. Bu, ötən ilin müvafiq dövrünün göstəricisindən 37,14 qram azdır. “Azərenerji”nin mətbuat xidmətindən AZƏRTAC-ın müxbirinə bildirmişlər ki, sentyabrda 48,5 min ton şərti yanacağa qənaət olunmuşdur. Bu işdə Azərbaycan DRES, Əli Bayramlı DRES və “Şimal” DRES-in kollektivləri xüsusilə fərqlənmişlər.
Bu ilin əvvəlindən “Azərenerji” sistemində 1 kilovat-saat elektrik enerjisinin istehsalına ötən ilin müvafiq dövründəkindən 27,83 qram az şərti yanacaq sərf olunmuşdur. Bunun hesabına 351,976 min ton şərti yanacağa qənaət edilmişdir.
Bölmənin digər xəbərləri
