“AZƏRİKİMYA” APARICI ŞİRKƏTLƏRLƏ MEMORANDUM İMZALAYACAQDIR
AZƏRTAC xəbər verir ki, sentyabrın 4-də Londonda “Azərikimya” Dövlət Şirkətinin prezidenti Məcid Kərimovun başçılıq etdiyi nümayəndə heyəti dünyanın aparıcı neft-kimya şirkətləri - “Exson Mobil”, “Basell”, “KBR”, “Technip”, “Ineos”, “Thyssen Krupp” və “Uhde” şirkətlərinin rəhbərləri ilə Sumqayıtda yeni neft kimyası kompleksinin tikintisi barədə danışıqları davam etdirmişdir. Sentyabrın 5-də dövlət şirkəti ilə tərəfdaşlar arasında əməkdaşlıq və məxfilik barədə memorandum imzalanacağı gözlənilir.
Qeyd edək ki, ən yeni texnologiyaların əsasında yaradılacaq və beynəlxalq standartlara cavab verəcək yeni neft-kimya kompleksi Azərbaycanı regionda çoxçeşidli neft-kimya məhsullarının, o cümlədən azot gübrələrinin əsas istehsalçısına çevirəcək və qeyri-neft sektorunun inkişafında mühüm rol oynayacaqdır. Bu, həmçinin “Azərikimya“ Dövlət Şirkətinin dünya bazarlarında əldə etdiyi mövqelərinin daha da möhkəmlənməsinə imkan verəcəkdir.
Bölmənin digər xəbərləri
