“Azərişıq” Abşeron rayonunda yeni elektrik şəbəkəsi qurur
Bakı, 21 fevral, AZƏRTAC
“Azərişıq” ASC Abşeron rayonu ərazisində yenidənqurma işləri aparır.
ASC-dən AZƏRTAC-a bildirilib ki, Abşeron rayonunun Masazır qəsəbəsində, yeni massiv adlanan ərazidə “Azərişıq” yeni elektrik şəbəkəsi qurur.
İşlər çərçivəsində 1 kilometrdən çox 10 kilovoltluq, 4 kilometrə yaxın 0,4 kilovoltluq elektrik xətti çəkiləcək. Müxtəlif güclərdə komplekt transformator məntəqələri quraşdırılacaq.
Bunlarla yanaşı, Qobu qəsəbəsi ərazisində yeni güc mərkəzləri yaradılıb, 5 kilometrə yaxın 0,4 kilovoltluq elektrik xətti çəkilib. Həmçinin Abşeron rayonunun Çaylı kəndində yenidənqurma işləri davam etdirilir.
Abşeron rayonunda görüləcək işlərlə abonentlər keyfiyyətli və dayanıqlı elektrik enerjisi ilə təmin olunacaq, elektrik enerjisindəki itkilər minimuma endiriləcək.
Bölmənin digər xəbərləri
