“BAKCELL” DAHA BİR ROUMİNQ MÜQAVİLƏSİ BAĞLAMIŞDIR
AZƏRTAC xəbər verir ki, “Bakcell Ltd” Məhdud Məsuliyyətli Cəmiyyəti beynəlxalq aləmdə fəaliyyətini daha da genişləndirərək Danimarkanın “Telia Mobile” mobil rabitə şirkəti ilə rouminq müqaviləsi bağlamışdır.
“Bakcell”in mətbuat xidmətindən verilən məlumata görə, yeni müqavilə sayəsində Azərbaycan mobil operatorunun Danimarkada rouminq tərəfdaşlarının sayı üçə çatmışdır. Bundan əvvəl isə “Bakcell” bu ölkənin “Mobil A/S” və “Sonofon” mobil şirkətləri ilə saziş imzalamışdır.
Xatırladaq ki, hazırda “Bakcell Ltd”nin 115 ölkənin 201 operatoru ilə rouminq müqaviləsi vardır.
Bölmənin digər xəbərləri
