BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-analitik şöbəsindən AZƏRTAC-ın müxbirinə bildirmişlər ki, səhər keçirilmiş səsli hərracların yekunlarına görə bağlanmış əqdlərin həcmi 105 min dollar təşkil etmişdir. Hərrac sessiyasının açılış məzənnəsi 1 ABŞ dolları üçün 4934 manat olmuşdur. Təklif 105 min dollar və tələb 80 min dollar olduğu halda manatın məzənnəsi 2 bənd qalxaraq, 1 dollar üçün 4932 manat təşkil etmişdir.
Elektron hərraclarının birja sistemində (BEST) bank sifarişlərində ABŞ valyutasının qiyməti 1 USD üçün 4933,03 manat həddində idi. BEST-də USDAZM T+0 aləti üzrə 6 milyon 821 min ABŞ dollarına bərabər həcm qeydə alınmışdır ki, bu da manat ekvivalenti ilə 33,648 milyarddır. Bir əqdə, orta hesabla, 1 136 833 dollar düşmüşdür.
Tələb olmadığından dilerlər USD/AZM T+1 və T+2 alətləri üzrə əqd bağlamamışlar.
BEST-də banklar AVR/AZM, RUR/AZM aləti üzrə sifariş verməmişlər.
BEST sistemi çərçivəsində fəaliyyət göstərən banklararası kredit bazarında banklar, ümumən, 8,440 milyard manat məbləğində kredit cəlb etmək və yerləşdirmək üçün sifarişlər vermişlər.
Martın 11-də illik 11 faizlə 200 min dollar borc götürülməsinə dair banklararası əqd qeydə alınmışdır. Kreditin müddəti 31 gündür.
Bölmənin digər xəbərləri
