Bakı Fond Birjası: Yenilənmiş qaydalara əsasən listinqlə bağlı sənəd dövriyyələri azaldılıb
Bakı, 18 noyabr, AZƏRTAC
“Bakı Fond Birjası” QSC-nin (BFB) Müşahidə Şurasının qərarı və maliyyə bazalarına nəzarətedici orqan olan Azərbaycan Respublikasının Mərkəzi Bankının müsbət rəyi əsasında yenilənmiş “Bakı Fond Birjasında qiymətli kağızların listinqə daxil olunması, listinqdə saxlanılması, delistinqi və ticarətinin təşkili” qaydaları təsdiq olunub.
BFB-dən AZƏRTAC-a bildirilib ki, yenilənmiş qaydalara əsasən listinqlə bağlı sənəd dövriyyələri azaldılıb. Yerli hüquqi şəxsin mülkiyyətində olan xarici qiymətli kağızların birjada ticarətə buraxılması yenilənmiş listinq qaydalarında öz əksini tapıb. Son olaraq, yenilənmiş qaydalarda əsas bazar seqmentinin adında dəyişiklik edilmiş “əsas” sözü “premium” sözü ilə əvəz olunub.
Bölmənin digər xəbərləri
