Bakı Nəqliyyat Agentliyinin kollektivi könüllü qanvermə aksiyasında iştirak edib
Bakı, 15 aprel, AZƏRTAC
Heydər Əliyev Fondunun çağırışına və təşəbbüsünə qoşularaq Bakı Nəqliyyat Agentliyinin kollektivi könüllü qanvermə aksiyasında iştirak edib.
Agentlikdən AZƏRTAC-a bildirilib ki, qanvermə aksiyası həm qan xəstəliklərindən əziyyət çəkən uşaqlara yardım etmək, həm də cəmiyyətin diqqətini bu sosial məsələyə cəlb etmək məqsədi daşıyıb.
Elmi Tədqiqat Hematologiya və Transfuziologiya İnstitutunda təşkil olunan aksiyada agentliyin mərkəzi aparatının və tabeli qurumların əməkdaşları iştirak ediblər.
Qeyd edək ki, sosial məsuliyyət layihələri çərçivəsində Bakı Nəqliyyat Agentliyinin kollektivi belə xeyirxah aksiyaları dəstəkləməyə davam edəcək.
Bölmənin digər xəbərləri
