BAKI-RUSİYA SƏRHƏDİ AVTOMOBİL YOLUNUN 100 KİLOMETRLİK HİSSƏSİNDƏ BETONLAMA İŞİ BAŞA ÇATMIŞDIR
AZƏRTAC xəbər verir ki, “Akkord İnşaat-Sənaye” ASC Bakı-Quba-Rusiya Federasiyası ilə dövlət sərhədi avtomobil yolunun yenidən qurulması işini davam etdirir.
Şirkətin mətbuat xidmətindən bildirmişlər ki, bu yolun 16-134 kilometrinin beton örtük tökməklə yenidən qurulması üçün 7 min işçi qüvvəsi və 3 minə yaxın texnika səfərbər edilmişdir.
Artıq yolun iki istiqamət üzrə 100 kilometr hissəsinə beton döşənmiş, o cümlədən Bakı-Sumqayıt yolunun beton döşəmə işi başa çatdırılmışdır. Yolun 3 kilometr hissəsində işıqlandırma dirəkləri quraşdırılmış, istinad divarları çəkilmişdir.
Yolda torpaq-bərkitmə işləri ilə paralel ərazidən keçən kommunikasiya xətləri dəyişdirilir, suötürücü qurğular, körpü və keçidlər tikilir.
Beton örtüyünün ümumi qalınlığı 28 santimetr, eni 12 metr olan yolun çəkilişinə alman mütəxəssisləri də cəlb olunmuşdur.
Bölmənin digər xəbərləri
