BAKI ŞƏHƏRİNDƏ QANUNSUZ FƏALİYYƏT GÖSTƏRƏN 12 APTEK BAĞLANMIŞDIR
Səhiyyə Nazirliyinin mətbuat xidmətindən AZƏRTAC-a bildirmişlər ki, nazirliyin innovasiya və təchizat mərkəzinin mütəxəssisləri əczaçılıq müəssisələrində reydləri davam etdirirlər. İndiyədək Bakı şəhəri üzrə təqribən 330 aptekə baxış keçirilmişdir. Aşkara çıxarılmış nöqsanlarla bağlı müvafiq tədbirlər görülmüş, tövsiyə və tapşırıqlar verilmişdir. Bakının Binəqədi, Xətai, Səbail rayonlarında qanunsuz fəaliyyət göstərən 12 aptek bağlanmışdır.
Bundan sonra reydləri Bakının ayrı-ayrı rayonlarının əczaçılıq müəssisələri üzrə aparmaq qərara alınmışdır.
Respublikanın digər şəhər və qəsəbələrindəki apteklərdə, dərmanların topdansatışı ilə məşğul olan şirkətlərdə də reydlər davam etdirilir.
Bölmənin digər xəbərləri
