Bakı–Tbilisi–Ceyhan kəməri ilə 7,2 milyon tondan çox neft daşınıb
Bakı, 17 aprel, AZƏRTAC
Yanvar-mart aylarında Azərbaycandakı magistral neft kəmərləri ilə 9 milyon 500,8 min ton neft nəql olunub.
Dövlət Statistika Komitəsindən AZƏRTAC-a bildirilib ki, nəqletmənin 76,3 faizi Bakı-Tbilisi-Ceyhan əsas ixrac neft boru kəməri (BTC) ilə həyata keçirilib və cari ilin yanvar-mart ayları ərzində bu kəmərlə 7 milyon 244,5 min ton neft nəql edilib.
Dövr ərzində BTC kəməri ilə nəql edilmiş neftin 85,9 faizini və ya 6223,7 min tonunu Azərbaycanda hasil edilən neft, 14,1 faizini və ya 1020,8 min tonunu isə Türkmənistan və Qazaxıstandan daxil olan neft təşkil edib.
Bölmənin digər xəbərləri
