Bakı Uşaq Teatrının kollektivi “Türk xalqlarının teatrı” layihəsi çərçivəsində qardaş ölkədədir
Bakı, 24 iyun (AZƏRTAC). Bakı Uşaq Teatrı Türkiyənin EKsanat Teatrı ilə birgə iki ölkə arasında mədəniyyət sahəsində əməkdaşlığı daha da möhkəmlətmək, türk xalqlarının ortaq dilinin yaradılması ideyasının həyata keçirilməsinə dəstək olmaq məqsədi ilə “Türk xalqlarının teatrı” layihəsini həyata keçirir.
Bakı Uşaq Teatrının kollektivinin bir qrupu hazırda layihə çərçivəsində Türkiyədə səfərdədir. Kollektiv orada İntiqam Soltanın quruluşunda hazırlanmış və iki ölkənin aktyorlarının iştirak etdikləri “Sıravi Dursun” tamaşası ilə çıxış edir.
Teatrdan AZƏRTAC-a bildirmişlər ki, artıq Gerzedə təqdim edilmiş tamaşa Merzifon, Samsun və Girəsun şəhərlərində də nümayiş olunacaqdır.
Bakı Uşaq Teatrının kollektivinin digər bir qrupunun isə iyunun 26-dan 30-dək Gürcüstanın Batumi şəhərində keçiriləcək folklor festivalında iştirakı nəzərdə tutulmuşdur.
Bölmənin digər xəbərləri
